دیوانی شێعر – ناری

• کتێب : دیوانی شێعر - ناری
• شاعیر : ناری
• ساغ کردنەوە : کاکەی فەلاح

مەلا کاکە حەمەی بێلوو کوڕی مەلا ئەحمەد کوڕی مەلا محەمەد، ساڵی 1874ی زایینی لە دێی بادەڵان لە ناوچەی شلێری قەزای پێنجوێن لە دایک بووە. بۆ خوێندن زۆر شاران گەڕاوە. ساڵی 1897 لە ڕەواندز ئیجازەی مەلایەتی وەرگرتووە و گەڕاوەتەوە بۆ مەریوان و لە دێی «کیکن» چەند ساڵێک مەلا بووە. ساڵی 1904 لە سەر داوای حسێن‌بەگی بێلوو کراوە بە مەلا و مودەڕیسی ئەو دێیە و هەموو ژیانی بە دەرس‌وتنەوە و مەلایەتی و شێعر بردۆتە سەر. لە ڕێکەوتی 2/4/1944 کۆچی دوایی کردووە و هەر لە دێی بێلوو نێژراوە.