دوایین وێستگە

• کتێب : دوایین وێستگە
• نووسەر : دانا ڕەئووف

پیاو: ئەم ڕۆژانە زۆر بیر لە ونبوون دەکەمەوە. لە پڕ لە خۆت و دەوروبەرەکەت ون بی… بچیتە وڵات و شوێنێکی تر، نە زمانەکەیان بزانیت و نە خەڵکەکەیان بناسیت، دەست بە ژیان بکەیتەوە، وەک ئەوەی پێشتر نەژیابیت.
(وچانێکی کورت)
کەسێک هەیە لە من بگا؟ من خۆم لە خۆم ناگەم. هه‌ست ده‌که‌م خه‌ریکه‌ ده‌بم به‌ که‌سێکی تر، نازانم بەرەو کوێ و بۆ کوێ دەڕۆم.
ژن: لەگەڵ دەریاکان بڕۆ، خۆت بدەرە دەست با. لێگەڕێ با با بتبات، ئەوە تەنیا شانسی تۆیە.
(پێده‌که‌نێت.)